La gazette piétrolaise
A Petra di Verde, u nostru paese
Les “DEGORDÌ”
PAUL (figliolu di Ghjacumu) (1946- )
Piove
Piove piove e piove sempre
Ùn si pò move e stò a sente
Si in piezza di i Casili
Abbaghja un cane o parla gjente
1- Cum’elle so longhe l’ore
Qui incù tamanta tristezza
E u miò tintu core
Oghje e pienu d’amarezza
Pensu à Babbu e à Mamma
Ùn sentu più a so chjama
2 -Serìanu stati felici
D'avecci vicinu à elli
A casa piena d'amici
Tantu vechji che zitelli
Era quessa a so sperenza
Ma unn hanu avutu ssa scenza
3 - Quandu apru e miò persiane
Quelle verdi u Rione
Cercu à Babbu incù u so cane
Ùn sentu più e so canzone
E so qui da à mane à a sera
A dumandammi s’ell’é vera
4 -Pensu à a miò mamma cara
Chi cù pena ci ha allevatu
Da Piezza d'Erme à a gara
O quant'elle ha strazziatu
Travagliendu senza arrestu
Anch'ella é morta troppu pestu
5 - Da a miò stanza à sulana
Ùn sentu più i passi di Mamma
Ma so collu à a funtana
Sentu una voce chi mi chjama
Allora mi ne vo versu ella
Chi riposa in Funtanella
6 -Quandu ghjungu in Campu Santu
Quessa vuciuccia si tace
Mamma e Babbu so accantu
Riposanu in sant pace
Ma per noi i so figlioli
So sempre lacrime e doli
8 - Quantu n'aghju passatu stonde
Incù Mammone fiancu aa fiancu
Manch'ella pò più risponde
Ùn ferma che u so bancu
Allora cume quand'era zitellu
Mi posu appena nant'à ellu
7 - So pensu à a miò zitellina
Mi sentu stringhje a cannella
Falava induve zia Catalina
À manghjammi una fritella
Eppo voltava à u focone
Vicinu à a miò Mammone
9 - I rivecu tutti à veghja
Intornu à un ceppicone
Mammone chi penciuleghja
Vicinu à u cane Zampone
Stanca ch’é stata luntanu
Oghje incù u sumere Fasgianu
10 -Cum'ellu si stava bè
Tandu a sera dopu cena
Eo vulìa tuttu sapè
Mammone mi parlava appena
Di l'epica maladetta
Di i banditi e di a vendetta
11 - Oghje per me qui tutt’e dolu
Unn aghju più nunda à sperà
Quandu mi sentu troppu solu
E c’o mi mettu à pensà
Mi vene ancu a nostalgia
Di a Piezza d’Erme in Bastia