La gazette piétrolaise
A Petra di Verde, u nostru paese
U prime ballu di “U Vintottu Aostu”.
Sant’Austinu é u santu di A Petra e Perdullacci u festighjeghjanu u vintottu aostu, u ghjornu anniversariu di a so morte, in l’annu 430 d.C., in una città di l’Algeria: Hippone, l’attuale Annaba, chjamata Bône in tempo di i Francesi.
U Vintottu Aostu era festa incù messa cantata a mane, una bella predica di prete Mannoni e prucessiò verso sera. E tutta a ghjornata un banchettu o dui in piezza à a chjesa tenuti dà un pippiau urizzincu e dà un merchente cerviunincu.
In paese parecchji eranu quelli chi si chjamavanu Ustinu e chi fecìanu festa ancu più che l’altri.
Ustinu si chjamava dinò u capitanu Strapponi. Stavanu à Nizza u capitanu e a moglia, ma, tutti l’anni, venianu à passassi a statina in a so casa à A Petra.
Ellu, tenuto benissimu da a capitana, a so sola occupazione era, ogni matina, d’andassine à spassu sin’à a croce di I Temponi, incù Loullette, a so cucchjuccia bianca cusì bella e cusì astuta, salutendu i so paisani e fendusi vulenteri una chjachjerata cù a ghjente in piezza à l’olmo o pè A Bertulaccia. Dopu pranzu si calava à fassi una sonnatuccia e sin’à sera si stava tranquillu nant’à so terrazza incù parenti e amici.
Ella, era affaccendata da a mane à a sera. Era veramente d’innasta, quella donnone, sempre alegra e à a manu cù tutti! Ghjunghjìa da Nizza incù una pruvista di cappelli di u Chernavà, fatti di cherta culurita, ch’ella dava à e criature di u vicinatu; ogni sera ne chjamava cinque o sei e, nantu à a so terrazza, l’incalfava sugni cappellu. Grazia à capitana, e criature muntichjesi, tre o quattru mesi dopu à i nizzerdi, festghjavanu anch’elli à Chernavà. Ha ancu parlendu cù e s’amiche, chi quandu u capitanu, in Tunisi, tant’anni in daretu, era statu decoratu di u Nicham Iftikar, ella, dopu avè passatu a so matinata à approntà tuttu in casa e à fà un pranzu per ùn sò quantu invitati, l’era riesciuta d’assiste à a cerimonia in onore di u maritu, à mez’à tanti capizzoni militari e civili! E quand’ella a contava li ridìanu e calcagne!
E per fà piecè à u maritu, qualc’annu nenzu à a guerra di Trentanove, ssa donna, chi ùn piantava mai, decise di fà un ballu, u prima ballu perdullacciu di Sant’Austinu. E u fece sott’à e so portelle, in “Piezza à u pianu”!
Falonu da Corti i musichenti cù e manduline; unu d’elli cantava canzone francesi chi, à quelli tempi, ùn s’erano mai intese in i nostri paesi. “Le plus beau de tous les tangos du monde” fu forse a più appreziata; numerosi so stati quelli chi, quella sera, a s’hanu cantichjata.
A festa durò quasi sin’à l’alba. Tuttu andete in incanti. A capitana e u capitanu, ella, cume sempre, dendusi di rumenu, ellu, placidu cume sempre, eranu cuntentissimi. Tutti, vecchi e zitelli, eranu alegri, pronti à rifà, l’annu dopu, u ballu di u 28 aostu.
Le premier bal du “Vingt-huit Août”.
Saint-Augustin est le Saint patron de Pietra et les Pietrolais le célébraient le vingt-huit août, jour anniversaire de sa mort, en l’an 430 ap. J. C., dans une ville d'Algerie nommée Hippone (aujourd’hui Annaba) que l'on appelait Bône du temps de la colonisation française.
Le vingt-huit août était jour de fête avec une messe chantée le matin, un beau sermon du curé Mannoni et une procession dans la soirée. Et tout au long de la journée un étal ou deux sur la place de l'église tenus par un fabricant de pipes d'Orezza et un marchand ambulant de Cervione.
Au village, nombreux étaient ceux qui se prénommaient Augustin et qui festoyaient encore plus que les autres. Augustin était aussi le prénom du Capitaine Strapponi. Il résidait à Nice avec son épouse et tous les ans ils passaient l'été dans leur maison du village.
Lui, toujours bien mis grâce à “là capitaine”, avait pour seule occupation, tous les matins, d'aller promener jusqu'à la croix des Temponi, avec Loulette, sa petite chienne blanche si belle et si intelligente. Il saluait ses concitoyens et discutait volontiers avec chacun sur la place de l'Orme ou du côté de la Bertulaccia. Après le déjeuner il faisait un petit somme et jusqu'au soir restait tranquillement sur sa terrasse en compagnie de parents et d’amis. Elle, était affairée du matin au soir. Elle était vraiment pleine d'énergie cette forte femme, toujours gaie et aimable avec tout le monde!
Elle arrivait de Nice avec quantité de chapeaux de Carnaval, en papier coloré qu'elle distribuait aux enfants du voisinage; tous les soirs elle en appelait cinq ou six, sur sa terrasse et mettait un chapeau à chacun. Ainsi grâce à elle les enfants du Muntichju célébraient eux aussi le carnaval trois ou quatre mois après les Niçois.
Toujours enjouée, elle expliquait à ses amies que son époux ayant été décoré bien des années plus tôt en Tunisie du Nicham Iftikar, elle avait réussi, après avoir passé la matinée à préparer la maison et un repas pour les nombreux invités, à assister à la cérémonie en l'honneur de son mari au milieu de nombreuses “huiles” civiles et militaires! Et lorsqu'elle le racontait elle était aux anges!
Pour faire plaisir à son mari, quelques années avant la guerre de trente-neuf, cette dame qui ne s'arrêtait jamais, décida d’organiser un bal, le premier bal pietrolais de la Saint-Augustin.
Elle l'organisa sous ses fenêtres sur “Piazza à u pianu”!
Les musiciens vinrent de Corté avec leurs mandolines; l'un d’eux chantait des chansons françaises jamais entendues dans nos villages en ce temps-là. “Le plus beau de tous les tangos du monde” fut sans doute la plus appréciée; ils sont nombreux ce soir-là à l'avoir chantonnée.
La fête dura pratiquement jusqu'à l'aube et fut un enchantement. La capitaine et le capitaine, elle, dans l'agitation comme à son habitude, lui, placide comme toujours, étaient ravis. Tous, vieux et jeunes, étaient heureux, prêts à recommencer l'année suivante, le bal du 28 août.