La gazette piétrolaise
A Petra di Verde, u nostru paese
A scelta di u sgiò Carlu
U sgiò Carlu era manghjutu. Micca manghjente, manghjutu. S’inghjuttìa tuttu ciò ch’elli li mettìanu in tavula e si serebbi dettu ch’ell’ùn si n’avvidèa mancu.
A ghjente a sapìa chi u sgiò Carlu era manghjutu e si contava ciò ch’ellu l’era stalvatu incù e so manghjerìe; e ciò ch’unn era vera a ghjente a s’inventava. Qual’è chi ùn ridìa di e so manghjate? I primi eranu i so parenti. Quelli u cunniscìanu megliu che nimu. Ancu u so cugnatu, u sgiò Milianu, rinomatu pè a so cortesìa, in quella canzona cusì celebre in paese, ch’ellu fece, un’annu, in tempu d’elezioni, scrisse: “Signor’ Leonetti/ Ch’é dottu e severu,/ spera u Ministeru/ Per inghjotte capretti”.
Cumu feranu l’omi cume u sgiò Carlu à esse cusì ingordi? U piecere di manghjà, si capisce, è l’affare di tutti o, per dì megliu, di a più gran perte. Ma quantunque ùn tantu chi basti! L’omi ùn sò micca solu stomachi.
Dunque u sgiò Carlu era manghjutu. Ch’ellu fussi in paese o in pieghja, solu o in cumpagnia, da u travagliu ùn si lesciava tombà. È fecìa e so faccende, ma senza tanta passione. D’altronde, essendu propietariu, fecìa piuttostu travaglià à l’altri, quelli chi unn avìanu che e so mani e a so forca. Era di ghjente bè u sgiò Carlu, unn avìa bisognu di stentassila. E cusì i so penseri eranu i so pranzi e e so cene. Venissi ciò chi venissi, era sempre prontu à inghjotte.
Ma u ghjustu per tutti: u sgiò Carlu sapìa dinò apprezià a roba bona. Di a roba ch’ellu si manghjava à quelli tempi e chi venìa diritta diritta da l’ortu, da u pullinaghju, da u granaghju, da u fondu e da u fornu. Tutta roba nostrale, arrustita o arrangiata, prisutu, salcicce, coppe, lonzi, pollastri, tiani, stufati, minestre... Chi campa! Chi corpi sani e techji! chi sonnate dopu pranzu! Chi bisognu c’era d’andà à circà u paradisu?
E purtantu, pe u sgiò Carlu unn era micca tutt’affattu cusì. A roba bona l’andava benissimu, ma li ci vulìa in quantità. Un piattu solu ùn li bastava. Pe cuntentallu ci ne vulìa parechji.
À u caffè, o in piezz’à l’olmu, tempu ch’ell’affaccava u sgiò Carlu, ci n’era sempre unu pè parlà di manghjusca: “Chi ne dicereste d’una portata di frittelle incù u formagliu frescu?” “O d’un bellu tianu di caprettu?” dicìa un altru. “O d’una supperone di lasagne?” E tir’avant’e via. E à chi preferìa e frittelle, à chi u caprettu, à chi e lasagne.
Parlendune, era quant’e ch’elli e si manghjassinu.
- “E voi, ò sgiò Cà, chi ne dicereste?”
- “Eiu, rispose u sgiò Carlu infuriatu, o tuttu o nunda. S’ellu ci vole à sceglie, pigliu u miò cappellu e mi ne vò!”
Le choix du sgiò Carlu
Le “sgiò” Carlu était renommé pour son incroyable voracité. Il s’empiffrait de tous les mets qui arrivaient sur la table et ne semblait jamais rassasié.
Les gens étaient au courant du fait. On parlait souvent de ces “grandes bouffes” du “sgiò” Carlu. Quelquefois même on en rajoutait, suivant l’adage “se non è vero, è ben trovato”. La “faiblesse” du “sgiò” était devenue un sujet de plaisanterie, surtout parmi ses proches parents. Ceux-ci, bien sûr, en savaient plus que les autres, on les soupçonnait même de ne pas tout divulguer dans le village.
Le “sgiò” Carlu ne se fatiguait pas au travail. Etant “sgiò” il donnait plutôt du travail aux autres, ceux qui lui louaient la force de leurs bras. Son esprit, on le comprend, pouvait se reporter sans peine sur la qualité et la quantité de ses repas. Rendons lui, toutefois, cette justice: il savait apprécier la bonne chère. Ce qu’il buvait ou mangeait, lui qui ne manquait de rien, venait directement de sa cave, de son four, de son grenier, de son poulailler, de son potager. Toutes choses de chez nous, viandes rôties, jambons, saucissons, poulets, ragoûts, daubes, soupes... C’était le bonheur! L’homme, bien repu, n’avait plus qu’à faire de bonnes siestes. C’était le paradis sur terre!
Les gens riches mangeaient beaucoup, mais, comme je l’ai dit plus haut, le “sgiò” Carlu, lui, se goinfrait. On lui faisait toutes sortes de taquineries sur le sujet et il feignait de ne pas comprendre. Dès qu’on l’apercevait, il y avait toujours quelqu’un pour lancer la conversation sur la nourriture.
Un jour, au café, on entendit: “Que choisiriez-vous? Un grand plat de beignets au fromage frais, un bon ragoût de chevreau ou plutôt une soupière de lasagne?”. Chacun disait la sienne. Qui préférait les beignets, qui le chevreau, qui les lasagne. Rien que d’y penser l’eau leur venait à la bouche. Quelqu’un demanda:
- “Et vous, ò sgiò Cà’, que choisiriez-vous?”
- “Moi, dit l’autre d’un air furieux, je prendrais tout ou alors rien! S’il faut choisir, je m’en vais!”