In ogni paese a chjesa è cunsacrata à un santu.  C’è Santa Mergherita in Cherchetu, San Biaggiu in Calenzana, San Roccu in Chjatra e San Mertinu in Canale...  Santa Maria, Sant’Antone, San Ghjuvan’Battista e San Francescu sò chjamati anch’elli e forse ancu più aspessu.  Perdullacci unn hanu micca vulsutu fà cume tutti.  A so chjesa l’hanu cunsacrata à Sant’Elie. 

Si sente dì chi Perdullacci so ghjente appena strana e quelli chi ùn li volenu bè dicenu ancu ch’elli so scemi.  Pò dassi chi ssa rinomina sia colpa soia e ch’ella venga da a scelta di i so santi.

Qual’è ssu Sant’Elie?  Ci serà, tra i santi cristiani, un sant’Elie?  Ma, ancu s’ellu c’è, unn è micca quellu di i Perdullacci.  Quellu ch’elli chjamanu Sant’Elie, Perdullacci, è u prufeta ebreu chi campava parechji seculi nenz’à Cristu, dunque quandu santi cristiani ùn ci n’era.

A storia d’Elie a conta a Bibbia in li capituli chi parlanu di i rè d’Israele.  Leghjitela a storia d’Elie.  Leghjite ciò chi stalvò à una povera veduva e à u so figliolu dopu tant’anni di seccina chi avìanu messu a ghjente à capisteghju, e cumu Elie rinvivì u figliolu di a veduva.  Leghjite ciò ch’ella fu a sorte spietata di Nabot chi ùn vulìa vende a so vigna a u rè.  Leghjite quand’Elie, incù a forza di e so preghere, accese un focu di legne crosce in punta à u Monte Carmine, ciò chi i preti di Baal, u dio cuncorrente di u soiu, unn hanu sapiutu fà e ch’ellu fece scannà quattrucentu di ssi preti, eccetera, eccetera...  Fecìa i miraculi Elie.  L’ha fatti seculi nenz’à Cristu, ed è statu u prufeta ebreu u più populare di tutti.

In chjesa di A Petra sopr’à l’altare maggiore c’è un bellu guadru.  Si vede à Elie nant’à un cherru di focu cù dui cavalli attaccati, di focu anch’elli, chi colla in Celu.  E si vede à Eliseu, indinochjatu, chi feghja addisperatu u so maestru chi si ne va.  Cusì finisce a vita d’Elie...

Ma si dumanda omu, quantunque, cumu una chjesa cristiana po esseli cunsacrata.  È un miraculu ancu quessu, e sò Perdullacci chi l’hanu fattu...  Almenu ch’ell’ùn ci sia un’altra spiegazione.  E sò guasi sicuru chi una spiegazione c’è.

Belle chjese in Corsica ci n’è assai e forse u più in Castagniccia.  Belli guadri in sse chjese ci n’é ancu, e parechji mostranu à Santa Maria chi porghje un rosariu o un scapulare à un frate carmelitanu.  E si sà chi, per via di u Monte Carmine, Elie e i carmelitani hanu qualcosa à chi vede tra di elli.  Allora si po omu dumandà s’ellu unn è qualchi frate carmelitanu chi ha sceltu u prufeta ebreu per intitulanne a chjesa di Perdullacci.  E s’ella unn è quessa a spiegazione, chi ci perderebbimu noialtri à credela vera?

Dunque a chjesa di Perdullacci è cunsacrata à Elie, u prufeta ebreu.  Ma prestu i parochjani si sò avvisti ch’incù u guadru ch’è sopra all’altare prucessiò ùn si ne pudìa fà.  E cumu si face à campà in un paese senza prucessiò?  Allora Perdullacci s’hanu sceltu un altru santu, ch’elli caccianu ogni vintottu aostu pè l’anniversariu di a so morte.  Morte sulitaria in una cità d’Africa, Ippona, posta dipoi mesi all’assediu di i Vandali, in duve ssu santu era vescu.  E ssu vescu è un gran santu, unu di i più gran santi di a chjesa catolica, un “padre di a chjesa”:  unu di quelli chi hanu fattu a duttrina di a Chjesa cristiana d’Occidente.  E ssu santu è un Africanu, natu in una cità di l’attuale Algerìa.  È Sant’Austinu.

A voi, ancu si vo’ ùn credite nè in Cristu, nè in la Madre, ùn vi pare una bella scelta quella, prima d’un ebreu e dopu d’un africanu, per riprisentà a Chjesa catolica in un paisucciu di a Castagniccia, mentre chi, in tant’altri paesi, ùn s’arricumandanu che à i santi nostrali?

S’ell’è per quessa chi i furesteri hanu trovatu strani Perdullacci, allora ch’ell’evivi a stranezza!

Chaque paroisse choisit ses saints

Dans chaque village l’église est consacrée à un saint:  Sainte-Marguerite à Carchetto, Saint-Blaise à Calenzana, Saint-Roch à Chiatra, Saint-Martin à Canale...  Sainte-Marie, Saint-Antoine (de Padoue), Saint-Jean-Baptiste, Saint François sont appelés eux aussi et peut-être plus souvent encore.  Les Piétrolais n’ont pas voulu faire comme tout le monde.  Leur église est consacrée à Saint-Elie.

On dit que les Piétrolais sont des gens un peu étranges et ceux qui leur en veulent disent même qu’ils sont fous.  Il est possible qu’une telle renommée vienne du choix de leur saint patron.

Qui est donc ce Saint-Elie?  Y a-t-il un Saint-Elie parmi les saints de l’Eglise chrétienne?  En tout cas ce n’est pas celui-là qu’ont choisi les Piétrolais.  Leur Saint-Elie, c’est le prophète hébreux qui a vécu plusieurs siècles avant Jésus-Christ, donc avant qu’existent des saints chrétiens.

La Bible raconte l’histoire d’Elie dans le Livre des Rois.  Lisez-la cette histoire.  Lisez ce qui arriva à une pauvre veuve et à son fils après de longues années de sécheresse qui avaient fait mourir tant de gens et comment Elie ressuscita le fils de la veuve.  Lisez quel fut le sort de Nabot qui ne voulut pas vendre sa vigne au Roi.  Lisez comment Elie, grâce à la ferveur de ses prières, alluma, au sommet du Mont Carmel, un feu avec du bois trempé par la pluie, ce que les prêtres de Baal n’avaient pas réussi à faire, et comment il égorgea quatre cents d’entre eux, etc, etc...  Vous le constatez:  il faisait des miracles, Elie.  Il les faisait des siècles avant le Christ et il a été le prophète le plus populaire d’Israël...

Dans l’église de Pietra, au-dessus du grand autel, il y a un beau tableau.  On y voit Elie qui monte au Ciel, assis sur un char de feu que tirent deux chevaux de feu.

On peut cependant se demander comment une église chrétienne a pu être placée sous un tel patronage.  On peut dire aussi, pour se moquer, que c’est un miracle que les Piétrolais ont fait.  A moins qu’il y ait une autre explication.  Or, il semblerait qu’il y en ait bel et bien une.

De belles églises, en Corse, il y en a plusieurs et principalement en Castagniccia.  De beaux tableaux, dans ces églises, il y en a beaucoup et nombre d’entre eux montrent la Vierge Marie qui remet un rosaire ou un  scapulaire à un moine de l’ordre des Carmes.  Et l’on sait que, via le Mont Carmel, un lien existe entre Elie et les Carmes.  On peut donc se poser la question de savoir si les Carmes n’auraient pas placé l’église de Pietra sous le patronage du prophète hébreux.

Mais sans doute les paroissiens se sont-ils bientôt aperçus que le tableau, beau et prestigieux, placé au-dessus du grand autel, n’était d’aucun intérêt pour les processions.  Or, comment voulez-vous affirmer votre foi sans processions?  On peut supposer que, pour cette raison, ils se sont choisis un autre saint qu’ils portent en procession le 28 août, jour anniversaire de sa mort dans une ville d’Afrique, Ippone, assiégée depuis des mois par les Vandales.  Ce saint, c’est Saint Augustin, évêque, “Père de l’Eglise”, qui a tant contribué à déterminer la doctrine de l’Eglise catholique romaine.  Saint Augustin était un Africain, issu du peuple numide, ancêtre des Kabyles d’aujourd’hui.

Ce double choix, qui porte la marque de l’universalité, en vaut bien d’autres.  Et s’il n’est que l’expression de l’étrange singularité des Piétrolais, eh bien, que vive la singularité!

-> Retour à la liste des textes

-> Texte suivant